‘தர்மதாசாகவே வாழ்ந்திருக்கீங்க.. சொல்ல வார்த்தையே இல்ல’ – சசிகுமாரை பாராட்டிய ரஜினிகாந்த்

அறிமுக இயக்குனர் அபிஷன் இயக்கத்தில் சசிகுமார், சிம்ரன் முன்னணி கேரக்டரில் நடித்த ‘டூரிஸ்ட் ஃபேமிலி’ என்ற திரைப்படம் சமீபத்தில் வெளியாகி நல்ல வரவேற்பை பெற்று வருகிறது. மே 1-ஆம் தேதி வெளியான இந்த திரைப்படம் ஃபீல் குட் மூவி ஆக பெரும்பாலான சினிமா ரசிகர்களை கவர்ந்துள்ளது.

ஒவ்வொரு நாளும் மிதமான வசூலை அள்ளிக் குவித்து வசூல் ரீதியிலும் இந்த திரைப்படம் மாபெரும் வெற்றி பெற்றுள்ளது. இந்த படத்தை பார்த்த சூப்பர் ஸ்டார் ரஜினிகாந்த் சமீபத்தில் இயக்குனர் அபிஷனை பாராட்டி இருந்தார். “ரஜினிகாந்த் ஃபோன் போட்டு வாழ்த்தியதை தன்னால் நம்பவே முடியவில்லை” என்று படத்தின் இயக்குனர் அபிஷன் சமீபத்தில் தெரிவித்தார்.

சூப்பர் ஸ்டார் வாழ்த்தியதை தொடர்ந்து ‘டூரிஸ்ட் பேமிலி’ திரைப்படம் இன்னும் ரீச் ஆனது. இந்த நிலையில் சசிகுமாருக்கும் ரஜினிகாந்த் வாழ்த்து தெரிவித்து பாராட்டியுள்ளார். இது தொடர்பாக சசிகுமார் தனது எக்ஸ் தள பக்கத்தில் கூறியிருப்பதாவது, “படம் சூப்பர் என யார் சொன்னாலும் மனம் சொக்கி போகும். சூப்பர் ஸ்டாரே படம் சூப்பர் என சொன்னால் சந்தோஷத்திற்கு சொல்லவா வேண்டும். ‘அயோத்தி’, ‘நந்தன்’ படம் பார்த்து பாராட்டிய ரஜினி சார் ஹாட்ரிக் பரவசமாக ‘டூரிஸ்ட் ஃபேமிலி’ படம் பார்த்து ‘சூப்ப்ப்பர்’ சசிகுமார் என அழைத்துச் சொன்னார்.

‘தர்மதாசாவே வாழ்ந்திருக்கிங்க’ சொல்ல வார்த்தைகளை இல்லை. அந்த அளவுக்கு வாழ்ந்துட்டீங்க. பல சீன்களில் கலங்கடிச்சுட்டீங்க. சமீப காலமா உங்களோட கதை தேர்வு வியக்க வைக்குது சசிகுமார்” என ரஜினி சார் சொல்ல சொல்ல நான் அடைந்த மகிழ்ச்சிக்கு அளவில்லை.

படத்தின் ஒவ்வொரு காட்சியையும் மனதில் நிறுத்தி அதனை பேரின் பங்களிப்பையும் வாழ்த்தி ரஜினி சார் சொன்ன ஒவ்வொரு வார்த்தைகளும் ‘டூரிஸ்ட் ஃபேமிலி’ படக்குழுவுக்கு கிடைத்த பொக்கிஷம் பட்டயம். தட்டிக் கொடுத்தும் உற்சாகம் மற்றும் உங்களின் தங்கமான மனசுக்கு மிக்க நன்றி ரஜினி சார்” என்று பதிவிட்டுள்ளார்.