சென்னையில் எந்தெந்த சாலைகளில் பயணிக்கலாம் – காவல்துறை முக்கிய அறிவிப்பு

இந்நிலையில் சென்னை நகரில் எந்தெந்த சாலைகள் பயணிக்க தக்க வகையில் உள்ளது என பெருநகர காவல்துறை அறிவிப்பு ஒன்றை வெளியிட்டுள்ளது. அதில்,  விமான நிலையத்தில் இருந்து அண்ணா சாலை வரையும், கிழக்கு கடற்கரை சாலையும் தடையற்ற போக்குவரத்து சாலையாக பராமரிக்கப்படுகிறது. மற்ற இடங்களில் ஒரு அடி அளவுக்கு தண்ணீர் தேங்கியுள்ளது. இதனால் அவசர தேவைக்காக மக்கள் அண்ணா சாலை மற்றும் கிழக்கு கடற்கரைச் சாலையை பயன்படுத்த அறிவுறுத்தப்பட்டுள்ளனர். மேலும் புழல் ஏரியில் இருந்து தண்ணீர் திறந்துவிடப்படுவதால், மஞ்சம்பாக்கம் முதல் வடபெரும்பாக்கம் வரை செல்லும் சாலையில் போக்குவரத்து அனுமதிக்கப்படவில்லை.

இந்நிலையில், மழைநீர் தேங்கியுள்ளதால் பல்வேறு சுரங்கபாதைகள் மூடப்பட்டுள்ளன. முக்கியமாக தியாகராய நகரில் உள்ள துரைசாமி சுரங்கபாதை, மேட்லி சுரங்கபாதை, கோடம்பாக்கம் ரங்கராஜபுரம் சுரங்கபாதைகள் மூடப்பட்டுள்ளன. கணேசபுரம், கெங்குரெட்டி, செம்பியம், வில்லிவாக்கம், மவுண்ட் – தில்லைநகர் சுரங்கபாதைகளிலும் தண்ணீர் தேங்கி நிற்கிறது. சைதாபேட்டை அரங்நாதபுரம் , சைதாபேட்டை, பழவந்தாங்கல், சிபி. சாலை, வியாசர்பாடி, திருவொற்றியூர் மாணிக்கம் நகர் சுரங்கபாதைகள் மூடப்பட்டுள்ளன. கோயம்பேடு புதுபாலம், சேத்துப்பட்டு ஹாரிங்டன் ரோடு, சூளைமேடு சுரங்கபாதைகளிலும் தண்ணீர் தேங்கி நிற்பதால் போக்குவரத்து தடைப்பட்டுள்ளது.