வல்லக்கோட்டை முருகன் கோயில் குடமுழுக்கில் அனுமதி மறுப்பு! செல்வப்பெருந்தகையை நேரில் சந்தித்த சேகர் பாபு

அரை மணி நேரம் காத்திருப்புக்கு பிறகு கோயில் அதிகாரி மேலே சென்றுவிட்டதாகவும், நடை அடைக்கப்பட்டுவிட்டதாகவும் தெரிவித்தார்கள். விஐபி தரிசனம் இருக்கிறது என்றார்கள். ஆனால், எங்களை எந்தப் பட்டியலில் கோயில் அதிகாரிகள் வைத்திருந்தார்கள் என்பது தெரியவில்லை” என அங்கு நடந்த விவரத்தை விளக்கினார்.

இந்த விவகாரம் தமிழ்நாட்டில் பெரும் பேசு பொருளாக மாறிய நிலையில், இந்து சமய அறநிலையத் துறை அமைச்சர் சேகர் பாபு இன்று எம்.எல்.ஏ. செல்வப்பெருந்தகை வீட்டிற்கு சென்று அவரிடம் வருத்தம் தெரிவித்தார்.

இது குறித்து செல்வப்பெருந்தகை தனது எக்ஸ் பக்கத்தில், “இன்று (08.07.2025) மாலை இந்து சமய மற்றும் அறநிலையத் துறை அமைச்சர் பி.கே.சேகர்பாபு எனது இல்லத்தில் என்னை சந்தித்தார். நேற்று, ஸ்ரீபெரும்புதூர் சட்டமன்ற தொகுதிக்குட்பட்ட வல்லக்கோட்டை முருகன் கோயிலில் தமிழ்நாடு முதலமைச்சர் தலைமையில் நடைபெறும் நல்லாட்சிக்கு களங்கம் ஏற்படும் வகையில் செயல்பட்ட அதிகாரிகளின் செயல்பாடுகள் குறித்து கேட்டறிந்து, வருத்தம் தெரிவித்தார்.

நடைபெற்ற சம்பவம் குறித்து உரிய விசாரணை நடத்தி, அதிகாரிகள் மீது தக்க நடவடிக்கை எடுக்கப்படும் என்று கூறினார். அதிகாரிகள் செய்த தவறுக்கு, அனைத்துத் தரப்பினரையும் சமமாக நடத்தும் முதலமைச்சரின் நற்பெயருக்கும், அறநிலையத் துறை அமைச்சருக்கும் இச்சம்பவம் குறித்து எந்தவித களங்கமும் ஏற்படுத்த வேண்டாம். மேலும், இத்துடன் இந்த விஷயத்திற்கு முற்றுப்புள்ளி வைப்போம். இது குறித்து வருத்தம் தெரிவித்த ஜனநாயக சக்திகளுக்கு நன்றி” எனத் தெரிவித்துள்ளார்.