பொதுமக்களின் ஆவணங்களை பயன்படுத்தி போலி வங்கிக் கணக்குகள்… மோசடி கும்பல் சிக்கியது எப்படி…? | தமிழ்நாடு

இந்நிலையில், புதிதாக பொறுப்பேற்ற ஆவடி மாநகர காவல் ஆணையர் பிரேம் ஆனந்த் சின்காவிடம் பாதிக்கப்பட்ட மக்கள் நேரில் வந்து புகார் அளித்ததன்பேரில் மீண்டும் அந்த வழக்கு விசாரணைக்கு எடுக்கப்பட்டுள்ளது. அதில், சென்னையை அடுத்த திருவேற்காட்டில் SHAYAM HYPER ஃபைனான்ஸ் என்கிற பெயரில் நிதி நிறுவனம் நடத்திவந்த சாரா என்கிற ஜோஸ்பின் பியூலா சிக்கினார். இவர் குறைந்த வட்டியில் வங்கிக்கடன் வாங்கி தரப்படும் எனக்கூறி விளம்பரம் செய்துள்ளார். இதனை அறிந்த பல்வேறு பகுதிகளை சேர்ந்த 50க்கும் மேற்பட்டவர்கள் சாராவை அணுகி வங்கிக் கடன் கேட்டுள்ளனர்.

அவர்களிடமிருந்து ஆதார் அட்டை, பான் கார்டு, புகைப்படம் மற்றும் பல்வேறு ஆவணங்களைப் பெற்று வங்கிகளில் கணக்கு துவங்கி அதன் மூலம் கடன் வாங்கி உள்ளார் ஜோஸ்பின் பியூலா. ஆனால், வங்கிக் கடன் தொகையை சம்பந்தப்பட்ட நபர்களுக்கு கொடுக்காமல், அவரும், அவரது கூட்டாளிகளும் சேர்ந்து செலவு செய்துள்ளனர்.

இந்த வழக்கில் விசாரணை நடத்திய ஆவடி மத்திய குற்றப்பிரிவு போலீசார் ஜோஸ்பின் பியூலா மற்றும் அவரது கூட்டாளிகள் 3 பேரை கைது செய்து சிறையில் அடைத்துள்ளனர்.